काठमाडौं- नेकपा एमाले (झलनाथ खनाल-माधव नेपाल) पक्षकी युवा नेतृ रामकुमारी झाँक्रीले ठोस प्रस्तावविनाको संवादको अर्थ नभएको बताएकी छिन् ।
अध्यक्ष केपी शर्मा ओली र वरिष्ठ नेता माधव नेपालबीच भेटवार्ता जारी रहँदा झाँक्रीले सामाजिक सञ्जाल ट्वीटरमार्फत् यस्तो बताएकी हुन् । ‘ठोस प्रस्ताव विनाको संवादको अर्थ छैन,’ उनले भनिन् ।
प्रधानमन्त्री समेत रहेका अध्यक्ष ओलीतर्फ संकेत गर्दै नेतृ झाँक्रीले संसद् विघटन सहि थियो र छ भन्ने प्रमाणित गर्न प्रभुको इसारामा यो सबै भइरहेको आरोप लगाएकी छिन् । उनले भनिन्, ‘आफूले संसद विघटन सहि थियो र छ भन्ने प्रमाणित गर्न प्रभुको इसारामा यो सबै हुँदैछ ।’
जनता, लोकतन्त्र र संविधानको रक्षाका लागि एक मात्र विकल्प विद्रोह भएको उनको भनाइ छ । आफूहरूले अध्यक्ष ओलीसामु आत्मसमर्पण गरे कम्युनिस्ट आन्दोलन विसर्जन हुने दाबी उनले गरेकी छिन् ।
ठोस प्रस्ताव र लिखित सहमति बिना अलमलमा पर्नुहुन्न।आफूले संसद विघटन गरेको सहि थियो र छ भन्ने प्रमाणित गर्न प्रभुको ईशारमा यो सबै हुदैछ।जनता, लोकतन्त्र र संबिधानको रक्षाको लागि हाम्रो अगाडी एक मात्र बिकल्प हो बिद्रोह। हाम्रो आत्मसमर्पणले कम्युनिष्ट आन्दोलनको बिसर्जन गर्छ।सचेत बनौँ।
— Ram kumari Jhakri (@Jhakri_didi) May 13, 2021
