काठमाडौं- नेकपा एमालेका वरिष्ठ नेता माधव नेपालले आफूनिकटका केन्द्रीय सदस्यहरुको बैठक बोलाएका छन् ।
बैठक शुक्रबार दिउँसो २ बजे भर्चुअल माध्यमबाट गरिने एक नेताले जानकारी दिए ।
नेता नेपालले बिहीबार अध्यक्ष केपी शर्मा ओली र आफूबीच भएको छलफल र सहमतिबारे जानकारी दिन आफूनिकट नेताहरुको बैठक बोलाएका हुन् ।
दुई नेताबीचको छलफलमा पार्टी संरचना २०७५ जेठ २ को स्थितिमा फर्काउने र अध्यक्ष केपी शर्मा ओली पक्षले फागुन २८ गते गरेको निर्णयबारे छलफल गर्न कार्यदल गठन गर्ने सहमति भएको थियो ।
प्रतिक्रिया दिनुहोस्
