काठमाडौं- केपी शर्मा ओलीले लिएको प्रधानमन्त्रीको पद तथा गोपनीयताको शपथ बदर गर्न माग गर्दै सर्वोच्च अदालतमा रिट परेको छ ।
वरिष्ठ अधिवक्ता चन्द्रकान्त ज्ञवाली, अधिवक्ता राजकुमार सुवाल, अधिवक्ता सन्तोष भण्डारी र अधिवक्ता नवराज अधिकारीसमेतले सर्वोच्चमा सोमबार छुट्टाछुट्टै रिट दर्ता गराएका छन् ।
प्रधानमन्त्री ओलीले वाचन गरेको ‘त्यो पर्दैन’ शपथ राष्ट्रपतिले वाचन गरेको शपथभन्दा फरक परेको भन्दै उक्त शपथ बदर गराउन माग गरिएको छ ।
रिटमा उक्त शपथ बदर गराएर फेरि शपथ गराउन र फेरि शपथ नगरी कामकाज गर्न नदिन आदेश माग गरिएको छ ।
ओलीले वैशाख ३१ गते प्रधानमन्त्रीको सपथ लिएका थिए ।
प्रतिक्रिया दिनुहोस्
