सत्तासमीकरणका कारण विभाजनको डीलमा पुगेको जनता समाजवादी पार्टी (जसपा) तत्काल विभाजित नहुने भएको छ ।
अध्यक्षद्वय उपेन्द्र यादव र महन्थ ठाकुरबीच भइरहेका अनौपचारिक वार्तामा जसपालाई एकढिक्का राख्ने सहमति भएको छ ।
मंगलवार नै दुवै अध्यक्षको संयुक्त विज्ञप्ति आउने ठाकुरनिकट स्रोतले सूत्र न्यूजलाई जानकारी दियो ।
यसअघि दुवै अध्यक्षहरूको अलग अलग विज्ञप्ति आउने गर्दथ्यो ।
जसपामा ठाकुर र राजेन्द्र महतो पक्षले सत्ता गठबन्धनमा तटस्थ रहने निर्णय गरेपछि ओली नै अल्पमतको प्रधानमन्त्री बनेका थिए ।
यादव र डा. बाबुराम भट्टराई भने ओलीलाई विस्थापित गरेर विपक्षी गठबन्धनलाई सहयोग गर्ने मनस्थितिमा थिए ।
यही विभाजित मनस्थितिका कारण जसपा विभाजनको संघारमा पुगेको थियो ।
प्रतिक्रिया दिनुहोस्
