काठमाडौं- नेकपा एमालेद्वारा गठित कार्यदलले पार्टीमा देखिएका समस्यालाई यथोचित रूपमा समाधान गर्दै पार्टी पंक्तिलाई एकतावद्ध रूपमा अघि बढाउन सबैसँग सहयोग र सद्भावको लागि आग्रह गर्ने निर्णय गरेको छ ।
मंगलबार सिंहदरबारमा बसेको कार्यदलको बैठकले उक्त निर्णय गरेको हो । बैठकले तत्काल आचारसंहित लागु गर्ने निर्णय पनि गरेको छ ।
आजको बैठकले कार्यदलको कार्यक्षेत्र, कार्यविधि र आचारसंहिता तुरुन्त तयार गरी लागू गर्ने निर्णय गरेको माधव नेपाल पक्षका कार्यदल संयोजक भीम रावलले जानकारी दिए ।
रावलले भने, ‘पार्टी एकता र समझदारीलाई वृद्धि गर्न तथा एकआपसमा अविश्वास, असहयोग र अन्तरविरोध सिर्जना हुने कामबाट अलग रहन पार्टी पंक्तिलाई हार्दिक आव्हान गर्ने निर्णय गरेको छ ।’
प्रतिक्रिया दिनुहोस्
