नयाँ सरकार बनाउने विषयमा सिंहदरबारमा कांग्रेस, माओवादी केन्द्र, जसपा र एमालेका वरिष्ठ नेता माधवकुमार नेपालबीच छलफल शुरू भएको छ ।
छलफलमा ओलीलाई हटाउने विषयमा कुराकानी भइरहेको हो ।
छलफलमा कांग्रेस सभापति शेरबहादुर देउवा, माओवादी अध्यक्ष पुष्पकमल दाहाल ‘प्रचण्ड’, जसपाका अध्यक्ष उपेन्द्र यादव र माधवकुमार नेपाल सहभागी छन् ।
छलफल सिंहदरबारस्थित कांग्रेसको संसदीय दलको कार्यालयमा भइरहेको छ ।
आजै बिहान देउवानिवास बुढानीलकण्ठमा पनि छलफल भएको थियो ।
राष्ट्रपति विद्यादेवी भण्डारीले संविधानको धारा ७६ को उपधारा ५ अन्तर्गत नयाँ सरकार गठन गर्न दलहरूलाई आज साँझ ५ बजेसम्मको समयसीमा दिएकी थिइन् ।
प्रतिक्रिया दिनुहोस्
