काठमाडौं- पहाडी क्षेत्रमा आइतबार आंशिक बदली रही अरु क्षेत्रको मौसम सामान्यतया सफा रहने जल तथा मौसम पूर्वानुमान महाशाखाले जनाएको छ ।
पश्चिमी न्यून चापीय प्रणालीको आंशिक प्रभावका कारण पहाडी क्षेत्रमा आंशिक बदली हुने देखिएको हो ।
अहिले पहाडी भू-भागमा आंशिक बदली रही बाँकी क्षेत्रको मौसम सामान्यताया सफा रहेको छ ।
आइतबार दिउँसो प्रदेश १, बागमती तथा गण्डकी प्रदेशका पहाडी भू-भागमा आंशिकदेखि सामान्य बदली र बाँकी भू-भागमा आंशिक बदली रहने छ ।
प्रदेश १ का पहाडी भू-भागका थोरै स्थान र बाँकी प्रदेशका पहाडी भू-भागका एक-दुई स्थानमा मेघ गर्जन र चट्याङ्गसहित हल्का वर्षाको सम्भावना छ ।
यस्तै राति प्रदेश १, बागमती तथा गण्डकी प्रदेशका पहाडी भू-भागमा आंशिकदेखि सामान्य बदली र बाँकी क्षेत्रमा आंशिक बदली रहने छ।
प्रदेश १ का पहाडी भू-भागका थोरै स्थानमा मेघ गर्जन र चट्याङ्गसहित हल्का वर्षाको सम्भावना रहेको मौसमविदले बताएका छन् ।
