काठमाडौं- बलात्कार गरेको आरोपमा प्रहरीले आज स्याङ्जाको बिरुवा गाउँपालिका-४ खुदीका दुर्गाबहादुर दमैलाई पक्राउ गरेको छ ।
एक २२ वर्षीया युवतीलाई बलात्कार गरेको आरोपमा ६० वर्षीय दमैलाई पक्राउ गरिएको जिल्ला प्रहरी कार्यालय स्याङ्जाका प्रहरी नायब उपरीक्षक राजेन्द्रप्रसाद अधिकारीले जानकारी दिए ।
बाख्रा चराउन जंगलमा गएकी युवतीलाई बलात्कार गरेको भन्ने जाहेरीका आधारमा दमैलाई पक्राउ गरेर जिल्ला अदालत स्याङ्जाबाट म्याद थप गरी अनुसन्धान प्रक्रिया अगाडी बढाइएको जिल्ला प्रहरी कर्यालय स्याङ्जाले जनाएको छ ।
प्रतिक्रिया दिनुहोस्
