एम्बुलेन्समा गाँजा बोक्ने की बिरामी ?-Sutra News

एम्बुलेन्समा गाँजा बोक्ने की बिरामी ?

बुधबार, १२ जेष्ठ २०७८

बुधबार, १२ जेष्ठ २०७८

काठमाडौं- प्रहरीले सुनसरीको धरान उपमहानगरपालिका-२ स्थित एम्बुलेन्सबाट गाँजा बरामद गरेको छ ।



प्रहरीका अनुसार को १ च ५५५९ नम्बरको एम्बुलेन्सबाट १ सय किलो गाँजा बरामद गरिएको हो । एम्बुलेन्समा गाँजा तस्करी गर्ने दुई जनालाई पक्राउ गरेको जिल्ला प्रहरी कार्यालय सुनसरीले जनाएको छ ।

पक्राउ पर्नेहरुमा उक्त एम्बुलेन्स चालक धरान उपमहानगरपालिका-१५ बस्ने ३६ वर्षीय बलबहादुर लिम्बु र धनकुटाको सहिदभूमि गाउँपालिका घर भएका २८ वर्षीय पोशन राई छन् ।

धनकुटा भेडेटारबाट धरानतर्फ आउँदै गरेको उक्त एम्बुलेन्सलाई प्रहरीले जाँच गर्ने क्रममा गाँजा फेला परेको थियो ।

प्रतिक्रिया दिनुहोस्
सम्बन्धित समाचार

ताजा अपडेट