काठमाडौँ । विपक्षी गठबन्धनद्धारा सरकारले ल्याएको नागरिकतासम्बन्धी अध्यादेशको व्यापक विरोध भइरहेको छ ।
तर जनकपुरमा भने फरक दृश्य देखिएको छ। सरकारले ल्याएको नागरिकता सम्बन्धी अध्यादेशको विरोध गरेको भन्दै जनकपुरमा विपक्षी गठबन्धनका नेताहरूको पुत्ला जलाइएको छ ।
राष्ट्रिय युवा संघ नेपाल धनुषाले नागरिकतासम्बन्धी अध्यादेशको विरोध गरेको भन्दै जसपा, नेपाली काँग्रेस तथा एमालेका माधव पक्षका नेताहरुको पुत्ला जलाएको हो ।
विरोध गरेको भन्दै जसपा अध्यक्ष उपेन्द्र यादव, सोही पार्टीका संघीय परिषद् अध्यक्ष डा. बाबुराम भट्टराई, नेपाली कांग्रेस सभापति शेरबहादुर देउवा, एमालेबाट निष्कासित नेता माधवक्मार नेपाल र नेकपा माओावादी केन्द्रका अध्यक्ष प्रचण्डको पुत्ला जलाइएको राष्ट्रिय युवा संघ नेपाल धनुषाले जनाएको छ।
उता जसपाका महन्थ ठाकुरपक्षीय कार्यकर्ताले अध्यादेशको स्वागत गरेका थिए ।
