काठमाडौं । काठमाडौंमा पुनः बर्डफ्लु संक्रमण पुष्टि भएको छ ।
पशु सेवा विभागका अनुसार काठमाडौंको किर्तिपुर र चन्द्रागिरीमा पालिएको टर्कीमा बर्डफ्लु संक्रमण पुष्टि भएको हो ।
संक्रमण देखिएका करिब ८ सय टर्की नष्ट गर्न र सो क्षेत्र निसंक्रमण गर्नका लागी प्राविधिक टोलि खटिएको एक अधिकारीले जानकारी दिए ।
केहि महिना अघि काठमाडौकै तारकेश्वर, ललितपुरको क्षेत्रमा बर्डफ्लु पाइएको थियो ।
इन्फ्लूएन्जा भाइरसको कारण चराहरुमा फैलिने एभिएन इन्फ्लूएन्जा नामक संक्रामक महामारीको नाम नै बर्ड फ्लू हो । इन्फ्लुएन्जा भाइरसका तीन समूहहरुमध्ये समूह ‘ए’मा पर्ने यही भाइरसको सक्रमणबाट चराहरुमा फैलिने महामारी रोगलाई बर्ड फ्लू भन्ने गरिन्छ ।
प्रतिक्रिया दिनुहोस्
