काठमाडौं- नेपाल पत्रकार महासंघका केन्द्रीय अध्यक्ष विपुल पोख्रेल सवार गाडी दुर्घटनामा परेको छ ।
दाङ तुलसीपुर उद्योग बाणिज्य संघ जाने सडक चोकमा रा १ च ९५५ नम्बरको स्कार्पियोले प्रदेश ३-०१०२२ च ९२२६ नम्बरको कारलाई ठक्कर दिँदा अध्यक्ष पोख्रेलसँगै सवार नेपाल पत्रकार महासंघ दाङका पूर्वअध्यक्ष सुदिप गौतम घाइते भएका छन् ।
नेपाल पत्रकार महासंघ दाङका पूर्वअध्यक्ष गौतमको टाउकोमा चोट लागेको छ । गौतमको राप्ती प्रादेशिक अस्पताल तुलसीपुरमा उपचार भइरहेको ईलाका प्रहरी कार्यालय तुलसीपुरका डिएसपी शिवबहादुर सिंहले जानकारी दिए ।
कारमा नेपाल पत्रकार महासंघका केन्द्रीय अध्यक्ष पोख्रेल, नेपाल पत्रकार महासंघ दाङका अध्यक्ष दुर्गालाल केसी, उपाध्यक्ष सन्तोष सुवेदी लगाएतको टोली सवार रहेको थियो ।
प्रतिक्रिया दिनुहोस्
