भारतको उत्तरप्रदेशको मुजफ्फरनगरमा एक व्यक्तिले आफ्नी पत्नीलाई गोली हानी हत्या गरेका छन् भने आफ्ना तीन सन्तानलाई नहरमा फ्याँकिदिएका छन् ।
जब प्रहरीले घटनाको अनुसन्धान गर्यो, तब यौनसम्पर्क गर्न अस्वीकार गरेको भन्दै ती व्यक्तिले पत्नीको हत्या गरेको खुल्न आएको छ ।
गत सोमवार ती व्यक्तिले गोली हानी आफ्नी पत्नीको हत्या गरेका थिए ।
पत्नीको हत्यापछि उनले आफ्ना तीन सन्तानलाई नहरमा फ्याँकेको बयान दिएका छन् । यद्यपि अहिलेसम्म ती बच्चाबच्चीको शव भने बरामद भएको छैन ।
घटनालगत्तै छिमेकीले दिएको जानकारीका आधारमा प्रहरी परिचालन भएको थियो । प्रहरीले ती व्यक्तिलाई गिरफ्तार गर्यो । बयानका क्रममा ती व्यक्तिले विगत १५ दिनदेखि यौनसम्पर्क गर्न नदिएकाले हत्या गरेको बताएका छन् ।
एजेन्सी
प्रतिक्रिया दिनुहोस्
