काठमाडौँ । ताप्लेजुङको सदरमुकाम फुङलिङ-४ मा रहेको तमु फर्निचर उद्योगमा आगलागी भएको छ ।

---

---

 व्यवसायी कुमार गुरुङको फर्निचरको गोदाममा आगलागी हुँदा १० लाख रुपैयाँ बराबरको क्षति भएको बताइएको छ  ।

जिल्ला प्रहरी कार्यालयले जनाएअनुसार फर्निचर उद्योगमा गएराति २ बजेतिर आगलागी भएको हो ।

फर्निचरमा लागेको आगो फुङलिङ नगरपालिकाको दमकल, प्रहरी र स्थानीयबासिन्दाको सहयोगमा नियन्त्रणमा लिइएको थियो ।

आगो कसरी लाग्यो भन्ने कुरा अहिलेसम्म खुल्न सकेको छैन । घटनाबारे थप अनुसन्धान भइरहेको प्रहरीले जनाएको  छ ।