काठमाडौं- महोत्तरीस्थित होटलमा आगलागी हुँदा करिब १० लाख बराबरको क्षति भएको छ ।
बर्दिवास नगरपालिका-१४ स्थित रहेको गौतम होटलमा विद्युतीय तार सर्ट भई आगलागी हुँदा होटलको विभिन्न सामान जलेश नष्ट भएको जिल्ला प्रहरी कार्यालय महोत्तरीका प्रहरी प्रवक्ता प्रहरी नायब उपरीक्षक प्रकाश विष्टले जानकारी दिए ।
शुक्रबार बिहान होटलमा भएको आगलागी करिब आधा घण्टापश्चात् नियन्त्रणमा आएको थियो । इलाका प्रहरी कार्यालय बर्दिवास तथा स्थानीयको सहयोगमा आगो नियन्त्रणमा आएको पवक्ता विष्टले बताए ।
आगलागीमा ४ वटा एसी पंखा, फर्निचरको सामान, कपडाको पर्दा र माथिल्लो तलाको फ्ल्याट कोटा जलेर नष्ट हुँदा करिब १० लाख बराबरको क्षति भएको हो ।
प्रतिक्रिया दिनुहोस्
