काठमाडौं- कोरोना संक्रमण रोकथामका लागि साउदी अरबले यात्रा प्रतिबन्ध लगाएका २० मुलुकमध्ये आजबाट ११ देशमा आवत-जावत खुला गरेको छ ।
साउदीको गृह मन्त्रालयका एक अधिकारीले त्यहाँको सरकारी समाचार एजेन्सी एसपीएसँग शनिबार यात्रा प्रतिबन्ध खुला गरिएको जानकारी दिएका हुन् ।
ती देशमा महामारी नियन्त्रण हुन थालेकाले यात्रा प्रतिबन्ध हटाउने निर्णय गरिएको उनले बताएका छन् ।
यूएई, जर्मनी, अमेरिका, आयरल्यान्ड, इटली, पोर्चुगल, यूके, स्विडेन, स्विट्जरल्यान्ड, फ्रान्स, जापानलगायत देशमा प्रतिबन्ध खुला गरिएको छ ।
तर यी देशबाट आउने यात्रुले अनिवार्य क्वारेन्टिनमा बस्नुपर्नेछ। यो निर्णय आज मे ३० बाट लागू भएको छ ।