काठमाडौँ । प्रतिनिधिसभा विघटनविरुद्ध परेको रिटको सुनुवाई गर्नका लागि गठन भएको संवैधानिक इजलासमा रहेका दुई न्यायाधीश तेजबहादुर केसी र बमकुमार श्रेष्ठबारे आइतवार प्रश्न उठ्यो ।
उनीहरुमाथि प्रश्न उठेपछि न्यायाधीश दीपककुमार कार्की र आनन्दमोहन भट्टराईले उनीहरु बाहिरिनु उपयुक्त भएको सुझाएका थिए ।
यता प्रधानन्यायाधीश राणााले भने केसी र श्रेष्ठलाई आफैं निर्णय गर्न दिनुपर्ने बताएका थिए ।
दुई न्यायाधीश तेजबहादुर केसी र बमकुमार श्रेष्ठले संवैधानिक इजलासबाट आफुहरु नबाहिरिने संकेत गरेपछि त्यसबारे छलफल गर्न रोस्टरमा भएका सबै १३ न्यायाधीशको बैठक बस्ने भएको छ ।
दोस्रोपटक गरिएको प्रतिनिधिसभा विघटनविरुद्ध सम्बन्धित रिटहरुको सुनुवाइका लागि प्रधानन्यायाधीश चोलेन्द्र शमशेर राणासहित न्यायाधीशहरु दीपककुमार कार्की, आनन्दमोहन भट्टराई, तेजबहादुर केसी र बमकुमार श्रेष्ठ रहेको संवैधानिक इजालस गठन भएको थियो ।
