काठमाडौं- नेकपा एमालेबाट निष्काशित नेता भीम रावलले प्रधानमन्त्री केपी शर्मा ओलीले आफूलाई पाँच मन्त्रालय राखेर बाँकी २० मन्त्रालय जनता समाजवादी पार्टी जसपाका महन्थ ठाकुर पक्षलाई दिनुपर्ने भन्दै व्यङ्ग्य गरेका छन् ।
जसपालाई २० मन्त्रालय दिएर आफूलाई पाँच मन्त्रालय राख्दा खुसी पार्नुपर्ने ‘शक्ति’ पनि मख्ख पर्ने रावलको भनाइ छ ।
सोमबार प्रधानमन्त्री ओलीसँग जसपाका ठाकुर पक्षले भेट गरी ८ मन्त्री र २ राज्यमन्त्री मागेको थियो ।
नेता रावलले सोमबार साँझ ट्वीट गर्दै भने, ‘जसपा (महन्थ पक्ष) लाई ८ मन्त्री र २ राज्यमन्त्री दिइने भन्ने त्यस पार्टीका एक नेताको भनाइ आयो । प्रमं केपीले लम्पसार नै हुनुछ भने जसपालाई २० मन्त्री दिएर बाँकी ५ मन्त्री आफुसंग राखेर पूरै समर्पण गरी धूपवत्ती गरे कसो होला ! यसो गर्दा खुसी पार्नुपर्ने ‘शक्ति’ पनि मक्ख पर्ने ।’
जसपा (महन्थ पक्ष) लाई ८ मन्त्री र २ राज्यमन्त्री दिइने भन्ने त्यस पार्टीका एक नेताको भनाइ आयो।प्रमं केपीले लम्पसार नै हुनुछ भने जसपालाई २० मन्त्री दिएर बाँकी ५ मन्त्री आफुसंग राखेर पूरै समर्पण गरी धूपवत्ती गरे कसो होला! यसो गर्दा खुसी पार्नुपर्ने ‘शक्ति’ पनि मक्ख पर्ने!
— Dr. Bhim Rawal (@BhimRawal179) May 31, 2021
