काठमाडौ- विवेकशील साझा पार्टीका नेता उज्ज्वल थापाको पशुपति आर्यघाटमा मंगलबार बेलुका अन्तिम संस्कार गरिएको छ । उनको मंगलबार दिउँसो ४ः२५ मा निधन भएको थियो ।
नेता थापाको ललितपुरको मेडिसिटी अस्पतालमा उपचारको क्रममा मंगलबार निधन भएको हो । मेडिसिटी अस्पतालमा निधन भएलगत्तै उनको पार्थिव शरीर अन्तिम संस्कारका लागि पशुपति आर्यघाट लगिएको थियो ।
आर्यघाटमा सीमित पारिवारिक सदस्य र पार्टीका केही नेताहरुको उपस्थितिमा उनको अन्तिम संस्कार गरिएको हो । उज्ज्वल थापालाई विवेकशील साझाका रञ्जु दर्शना र आलोक सुवेदीले दागबत्ती दिएका थिए । उनको शवमा नेपालको झण्डा ओढाइएको थियो ।
प्रतिक्रिया दिनुहोस्
