झण्डै दुई हप्तासम्म रोकिएको रियालिटी शो ‘द भ्वाइस अफ नेपाल ३’को प्रशारण आजबाट सुरु हुने भएको छ ।
शोका निर्देशक लक्ष्मण पौडेलले ‘द भ्वाइस अफ नेपाल ३’ आजबाट प्रशारण हुने जानकारी दिएका छन् ।
२ साताअघि कोरोना संक्रमणको जोखिम बढेको भन्दै शोका नयाँ भागहरु छायांकन गर्न नसकेकाले प्रशारण रोकिएको जानकारी यसको टिमले गराएको थियो ।
त्यतिबेला कोच प्रमोद खरेल, तृष्णा गुरुङ र दीप श्रेष्ठलाई कोरोना संक्रमण पुष्टी भएको थियो । उनीहरुमध्ये खरेल र गुरुङ कोरोना संक्रमणमुक्त भइसकेका छन् भने दीप श्रेष्ठको भने अस्पतालमा उपचार भैरहेको छ ।
प्रतिक्रिया दिनुहोस्
