डा.गोविन्द केसीले बिएन्डसी मेडिकल कलेजलाई सम्बन्धन दिए अनशन बस्ने चेतावनी दिएका छन् ।
बिहीबार विज्ञप्ति जारी गरी केसीले सम्बन्धन दिए अनशन बस्ने चेतावनी दिएका हुन् ।
‘प्रधानमन्त्री केपी ओलीको गुण्डाराजलाई साथ दिने जो कसैलाई पनि जवाफदेही बनाउन हामीले कुनै कसर बाँकी राख्नै छैनौं,’ केसीद्वारा जारी विज्ञप्तिमा भनिएको छ।
विज्ञप्तिमा भनिएको छ, ‘हाल म द्वन्द्वग्रस्त मुलुक यमनका पिछडिएका ठाउँहरूमा सेवा दिएर नेपाल फर्कने क्रममा छु। चिकित्सा शिक्षा आयोगका पदाधिकारीहरूको अडान विपरीत जबरजस्ती सम्बन्धनको प्रक्रिया अघि बढाइयो भने म नेपाल फर्कनासाथ त्यस्तो हर्कतविरूद्ध सत्याग्रह सुरू गर्ने जानकारी गराउन चाहन्छु ।’
बिएन्डसी मेडिकल कलेजलाई काठमाडौं विश्वविद्यालयले सम्बन्धन अघि बढाउन सिफारिस गरेपछि त्यसबारे निर्णय लिन आयोगको बैठक छिट्टै नै बस्ने भएको छ ।
प्रतिक्रिया दिनुहोस्
