एमालेका माधवकुमार नेपाल पक्षमा रहेका गणेश पहाडीलाई प्रधानमन्त्री ओलीले सामान्य प्रशासन तथा संघीय मामिला मन्त्री बनाउने भएका छन् ।
यससँगै पहाडीले नेता नेपालको साथ छोडेको चर्चा भइरहेको छ । उनलाई बालुवाटारबाट अपराह्न ४ बजे सपथ खान आउनु भनी फोन आएको थियो ।
एमालेभित्रको अन्तरविरोधमा नेता नेपाल समूहमा रहेका पहाडीलाई ओलीले आफूतिर लाग्ने शर्तमा मन्त्री बनाउने भएका हुन् ।
प्रतिनिधि सभा विघटनपछि पहाडीले निरन्तर नेपाल समूहलाई साथ दिएका थिए । तर सिन्धुली-१ बाट निर्वाचित पहाडीले कांग्रेसका सभापति शेरबहादुर देउवालाई प्रधानमन्त्री बनाउने प्रस्तावमा हस्ताक्षर भने गरेका थिएनन् ।
पहाडी प्रभावशाली नेता भने होइनन् । ओलीले नेपाल समूहका नेताहरूलाई लोभ्याउनकै लागि ८ मन्त्रालय आफूसँग राखेका थिए ।
तर नेपाल पक्षले ओलीको आह्वानलाई सकारात्मक रूपमा नलिएपछि ओलीले अन्य नेताहरूलाई तानेको बताइन्छ ।
