अदालतको आदेशविरुद्ध नेकपा एमाले पुनरावलोकन जाने भएको छ ।
दशौं राष्ट्रिय महाधिवेशन आयोजक कमिटीले गरेको कारबाहीलाई अदालतले मान्यता नदिएसँगै नेकपा एमाले पुनरावलोकन जान लागेको हो ।
अदालतको आदेश विरुद्ध पुनरावलोकन जाने तयारी भइरहेको एक नेताले जानकारी दिए ।
हिजो बिहीबार सर्वोच्च अदालतले नेकपा एमालेको १०औं राष्ट्रिय महाधिवेशन आयोजक समितिलाई केन्द्रीय कमिटीलाई मान्यता दिन अस्वीकार गरेको थियो ।
कर्णाली प्रदेशको एमालेका चार सांसदलाई कर्णाली प्रदेशसभा सदस्यबाट पदमुक्त गर्ने निर्णयविरुद्धको रिटमा सुनुवाइ गर्दै न्यायाधीश प्रकाशमानसिंह राउतको एकल इजलासले सो आदेश गरेको हो ।
प्रतिक्रिया दिनुहोस्
