काठमाडौं- जनता समाजवादी पार्टी, नेपाल (जसपा) संघीय परिषद् अध्यक्ष डा.बाबुराम भट्टराईले निर्वाचन आयोगको निर्णयप्रति आपत्ति जनाएका छन् । आयोगले आइतबार साँझ अध्यक्ष महन्थ ठाकुर पक्षले अर्को पक्ष यादव-डा.भट्टराई र यादव-डा.भट्टराई पक्षले महन्थ ठाकुर पक्षलाई गरेको कारबाहीलाई मान्यता नदिएपछि डा.भट्टराईले आपत्ति जनाएका हुन् ।
जसपामा एकले अर्को पक्षलाई गरेको कारबाहीलाई निर्वाचन आयोगले मान्यता दिएन
पूर्वप्रधानमन्त्रीसमेत रहेका डा.भट्टराईले आइतबार साँझ सामाजिक सञ्जाल ट्वीटरमा निरंकुश शासकको छायामुनि टाक्सिएको निर्वाचन आयोगले नेकपापछि जसपालाई पनि’ हात्ती र हात्तीछाप चप्पल उस्तैउस्तै हो’ भन्ने सिद्धान्तको प्रयोग गरेर नष्ट गर्ने प्रयास गरेको आरोप लगाएका छन् ।
‘ओलीतन्त्र’ मा संविधान, लोकतन्त्र सँगसँगै राजनीतिक दलहरू पनि समाप्त हुने भए भन्दै उनले चिन्ता व्यक्त गरेका छन् ।
ओलीतन्त्रमा संविधान,लोकतन्त्र संगसंगै राजनीतिक दलहरू पनि समाप्त हुने भए।निरंकुश शासकको छायामुनि टाक्सिएको निर्वाचन आयोगले नेकपापछि जसपालाई पनि’हात्ती र हात्तीछाप चप्पल उस्तैउस्तै हो’भन्ने सिद्धान्तको प्रयोग गरेर नष्ट गर्ने प्रयास गरेछ।प्रतिगमनको रथ त्यतिकै रोकिने छाॅटकाॅट छैन है!
— Baburam Bhattarai (@brb1954) June 13, 2021
