काठमाडौं- इजरायलको नयाँ प्रधानमन्त्रीमा नाफ्ताली बेनेट निर्वाचित भएका छन् । विपक्षी गठबन्धनको सहयोगमा संसदले बेनेटलाई नयाँ प्रधानमन्त्रीमा निर्वाचित गरेको हो ।
उनी अत्यन्तै साँघुरो मतान्तरले प्रधानमन्त्रीमा नियुक्त भएका हुन् । उनी ६०-५९ बहुमतका आधारमा प्रधानमन्त्री चुनिएका हुन् ।
सत्ता समीकरणसम्बन्धी सम्झौता अनुसार उनी सन् २०२३ को सेप्टेम्बर महिनासम्म प्रधानमन्त्री रहने छन् ।
त्यसपछि उनले येश अटिड पार्टीका नेता याएर लापिडलाई अर्को दुई वर्षका लागि प्रधानमन्त्री पद हस्तान्तरण गर्नेछन् ।
बेनेट निर्वाचित भएसँगै सबैभन्दा लामो समय १२ वर्ष सत्ता चलाएका बेन्जामिन नेतान्याहु बिदा भएका छन् ।
प्रतिक्रिया दिनुहोस्
