काठमाडौं- देशका विभिन्न जिल्लामा लगातारको वर्षासँगै बाढी तथा पहिरोले मानवीय र भौतिक क्षति गरेपछि उद्धार तथा राहतको व्यवस्था मिलाउनका लागि विपद् व्यवस्थापन कार्यकारी समितिको बैठक बसेको छ ।
गृहमन्त्रीको खगराज अधिकारीको अध्यक्षमा समितिको बैठक बुधबार बिहान ९ बजेपछि सिंहदरबारमा सुरु भएको गृह मन्त्रालयका प्रवक्ता सहसचिव जनकराज दाहालले जानकारी दिए ।
बैठकमा बाढी तथा पहिरो प्रभावितहरुको उद्धार तथा राहत व्यवस्थाका सम्बन्धमा छलफल भइरहेको छ ।
बैठकमा गृहमन्त्री अधिकारीसँगै मन्त्रालयका उच्च अधिकारीहरु, सुरक्षा निकायका प्रतिनिधि, राष्ट्रिय विपद् जोखिम न्यूनिकरण तथा व्यवस्थापन प्राधिकरण पदाधिकारीसहितको सहभागिता छ ।
प्रतिक्रिया दिनुहोस्
