नेकपा माओवादी केन्द्रका अध्यक्ष पुष्पकमल दाहाल प्रचण्डले बाढीपहिरो पीडितको उद्धार तथा राहतलाई प्रभावकारी बनाउन माग गरेका छन् ।
बाढीले देशका विभिन्न ठाउँहरुमा भौतिक तथा मानवीय क्षति पुर्याएको भन्दै उनले यस्तो माग गरेका हुन् ।
बुधबार एक विज्ञप्ति जारी गर्दै अध्यक्ष प्रचण्डले भनेका छन्, ‘बाढी–पहिरोले सिन्धुपाल्चोक, मनाङ लगायत देशका विभिन्न भागहरुमा धनजनको ठूलो क्षति भएको छ भने कोशी, नारायणी, सेती, कमला, तिनाउ, कर्णाली, महाकाली लगायतका नदीहरुमा पानीको बहाव उच्च भई बस्तीहरु डुब्ने खतरा पैदा भएको छ ।’
पहिरोले प्रभावित भएकाहरुलाई राहत दिन , बेपत्ता भएकाहरुको खोजि कार्य गर्न तथा घाइतेहरुको निशुल्क उपचार गर्नका लागि उनले माग गरेका छन् ।
प्रतिक्रिया दिनुहोस्
