काठमाडौं । स्वास्थ्यमा थप समस्या आएपछि नेकपा एमालेका नेता झलनाथ खनाल दिल्लीस्थित एपोलो अस्पताल प्रस्थान गरेका छन् । दिल्ली जानुअघि उनले पार्टी अध्यक्ष केपी शर्मा ओलीसँग फोनवार्ता गरेका छन् । प्रधानमन्त्री ओलीले उनलाई स्वास्थ्यलाभको कामना गरेका छन् ।
फोनमा ओलीसँग कुरा गर्दै झलनाथ खनालले आफु फर्केर आउने नआउने थाहा नभएको भन्दै पार्टी एकता गर्नका लागि प्रधानमन्त्री ओलीले अब भूमिका खेल्न आग्रह गरेको बताइएको छ ।
त्यस्तै प्रधानमन्त्री ओलीले पनि नेता खनालको उपचारमा सरकारले सक्दो सहयोग गर्ने बताएका छन् ।
उनी भारत प्रस्थान गर्नुअघि पार्टीका महासचिव ईश्वर पोखरेलले हस्पिटलमै गएर स्वास्थ्यलाभको कामना गरेका थिए ।
प्रतिक्रिया दिनुहोस्
