नेपाली काँग्रेसको केन्द्रीय समिति बैठक सुरु भएको छ । बैठक पार्टी कार्यालय सानेपामा सुरु भएको हो ।
यसअघि कांग्रेस पदाधिकारी बैठकले १४ औं महाधिवेशन केही दिन पछाडि सार्ने प्रस्ताव गरेको थियो । बैठकमा भदौ १६ गतेबाट महाधिवेशन गर्ने प्रस्ताव गरिएको थियो । यसअघि भदौ ७ गतेदेखि महाधिवेशन गर्ने तय भएको थियो ।
आजको बैठकमा पदाधिकारी बैठकले गरेको प्रस्तावका विषयमा छलफल हुनेछ । यससँगै महाधिवेशन कसरी गर्ने भन्ने विषयमा पनि छलफल हुने बताइएको छ ।
कोभिड महामारीका कारण क्रियाशील सदस्यता वितरण र नवीकरणका काममा ढिलाइ भएको छ । जसले गर्दा पूर्वनिर्धारित कार्यतालिकामा केही हेरफेर गरिने जनाएको छ ।
प्रतिक्रिया दिनुहोस्
