जनता समाजवादी पार्टी (जसपा) का एक नेता हतियारसहित पक्राउ परेका छन् ।
पक्राउ पर्नेमा उदयपुरका जिल्ला कमिटी सदस्य परशुराम चौधरी रहेका छन् । ५० वर्षीय चौधरीलाई त्रियुगा नगरपालिका–३ मोतिगढाबाट बिहीबार मध्याह्न पक्राउ गरिएको हो ।
उनले आफ्नी कान्छी श्रीमती श्यामकुमारीको घरमा अवैध हतियार लुकाइराखेको भन्ने सूचनाका आधारमा गएको प्रहरी टोलीले उनलाई हतियारसहित पक्राउ गरेको बताइएको छ ।
प्रहरीले उनको घरबाट चौधरीको घरबाट मेडिन यूएस लेखिएको एक थान अटोमेटिक (स्वचालित) पेस्तोल र त्यसमा लाग्ने ५ राउन्ड गोली बरामद गरेको छ ।
घटनाबारे थप अनुसन्धान भएको प्रहरीले जनाएको छ ।
प्रतिक्रिया दिनुहोस्
