आफूलाई सामाजिक अभियन्ता दाबी गर्ने ज्वाला संग्रौला र उनको समूहमाथि मधेशी आयोगले छानबिन प्रक्रिया अघि बढाएको छ ।
एक ट्राफिक प्रहरीमाथि उनी र उनको समूहले रंगभेदी अभिव्यक्ति दिएको थियो ।
उनीहरूविरुद्ध मधेश आयोगमा औपचारिक उजुरी परेको छ । उजुरीका बारेमा प्रहरीलाई पनि जानकारी दिइसकिएको आयोग स्रोतले बतायो । प्रहरी पनि अनुसन्धान प्रक्रियामा जुटिसकेको छ ।
गत जेठ १२ गते संग्रौला र उनको समूहले प्रहरी कार्यालयमै ट्राफिक प्रहरीका असी मणिकान्त झालाई ‘मधेश गएर खेतीपाती गर’ भनेका थिए ।
त्यो भिडियो सामाजिक सञ्जालमा भाइरल बनेको छ ।
केही दिनअघि झालाई सरुवासमेत गरिएको थियो । संग्रौलाले झालाई त्यतिबेलै सरुवा गरिदिने धम्की दिएकी थिइन् ।
तर झालाई सरुवा गरेको समाचार फेरि भाइरल भएपछि फिर्ता बोलाइएको छ ।
प्रतिक्रिया दिनुहोस्
