प्रतिनिधिसभा विघटनविरुद्ध परेको रिटमाथि शुक्रबार जारी बहसमा काँग्रेस सभापति शेरबहादुर देउवाको पक्षमा बहस गरेका वरिष्ठ अधिवक्ता श्रीहरि अर्यालले राष्ट्रपतिको काम वदनियतपूर्ण देखिएको आरोप लगाएका छन् ।
उनले संवैधानिक परिषद् र नागरिकता विधेयक ल्याउँदा राष्ट्रपतिले वदनियतपूर्ण तरिकाले काम गरेको आरोप लगाएका हुन् ।
उनले राष्ट्रपतिले बहुमतको विश्वसनीयता परिक्षण गर्ने अधिकार नभएको पनि उल्लेख गरेका छन् ।
उनले प्रधानमन्त्री केपी शर्मा ओलीले पनि संविधानको पालना नगरेको आरोप लगाएका छन् । ‘प्रधानमन्त्रीले शपथमा विश्वासको मत लिन्छु भन्नुभयो, तर पालना गर्नुभएन’ उनले भने ।
इजलासमा रिट निवेदकका वकिलको बहस आज सकिने भएको छ ।
उक्त रिट प्रधानन्यायाधीश चोलेन्द्र शमसेर जबरा, न्यायाधीशहरू दीपककुमार कार्की, मीरा खड्का, ईश्वरप्रसाद खतिवडा र आनन्दमोहन भट्टराईको संवैधानिक इजलासमा बुधवारदेखि बहस सुरू भएको थियो।
देउवा पक्षका वकिललाई अदालतले दिएको १२ घण्टा समयमध्ये अब साढे ४ घण्टा बाँकी छ ।
