काठमाडाैं- युरोकपमा आजबाट अन्तिम १६ का खेलहरू सुरु हुँदैछन् । नकआउट चरणमा आज दुई खेलहरू हुँदैछन् ।
आज हुने पहिलो खेलमा समूह ‘ए’ को उपविजेता वेल्स र समूह ‘बी’ को उपविजेता डेनमार्क प्रतिस्पर्धामा गर्दै छन् । खेल बेलुकी पौने १० बजे सुरु हुनेछ ।
समूह चरणमा वेल्सले तीन खेलमा १ जित, १ बराबरी र १ पराजय ब्यहोर्दै दोस्रो स्थानमा रहेर नकाउट चरणमा आइपुगेको थियो ।
त्यस्तै सुरुवाती दुई खेलमा पराजय ब्यहोरेको डेनमार्कले समूहको अन्तिम खेलमा रसियामाथि फराकिलो जित निकाल्दै गोलअन्तरको आधारमा नकाउट चरणमा प्रवेश गरेको थियो ।
त्यस्तै आजै राति हुने दोस्रो खेलमा इटली र अस्ट्रिया आमनेसामने हुनेछन् । वेम्बली स्टेडियममा समूह ‘ए’ को विजेता इटली र समूह ‘सी’ को उपविजेता अस्ट्रिया राति १२ः४५ बजे आमनेसामने हुनेछन् ।
प्रतिक्रिया दिनुहोस्
