काठमाडाैं- सिन्धुपाल्चोकको इन्द्रावती नदीमा अविरल वर्षापछिको बाढीले एक घर बगाएको छ । शनिबार बिहान मेलम्ची नगरपालिका-११ मा रहेको तीन तले पक्की घर बाढीले बगाएको हो ।
एक साताअघि आएको बाढीकै बेला स्थानीय गोपाल दुलालको सो घर जोखिममा रहेकाेमा शनिबारको बाढीले भत्किन पुगेको सिन्धुपाल्चोक प्रहरीले जनाएको छ ।
घरपरिवार अन्यत्र स्थानान्तर भइसकेकाले कुनै मानवीय क्षति भने भएको छैन । एक साताअघिको बाढीका कारण दर्जनौं घरपरिवार विस्थापित भएका थिए ।
प्रतिक्रिया दिनुहोस्
