कोरोना महामारीका कारण लगाइएको निषेधाज्ञा काठमाडौँमा एक साता थपिने भएको छ ।
काठमाडौँ उपत्यकाका प्रमुख जिल्ला अधिकारीहरूको आज बसेको बैठकले निषेधाज्ञा थप्ने निर्णय गरेको हो ।
निषेधाज्ञा थपिए पनि सार्वजनिक यातायात भने संचालन हुने भएको छ ।
सार्वजनिक यातायात संचालनको मापदण्ड बनिरहेको र केही बेरमा सार्वजनिक गरिने ललितपुरका प्रमुख जिल्ला अधिकारी ढुण्डीराज निरौलाले जानकारी दिए ।
सार्वजनिक यातायात जोर बिजोर प्रणालीमा चल्न सक्ने सम्भावना रहेको छ भने होटेल रेस्टुरेन्ट बन्द रहनेछ । तर टेक अवे सेवा भने दिन पाउनेछन् ।
कोरोना संक्रमणको दोस्रो लहरका कारण गत वैशाख १६ गतेदेखि निषेधाज्ञा जारी गरिएको थियो । पछिलो समय संक्रमणदर कम हुँदै गएको भन्दै निषेधाज्ञा बिस्तारै खुकुलो पारिएको छ ।
प्रतिक्रिया दिनुहोस्
