प्रधानमन्त्री तथा एमालेका अध्यक्ष केपी शर्मा ओलीले आफ्नै पार्टीका नेता माधवकुमार नेपाललाई माओवादी केन्द्रका अध्यक्ष पुष्पकमल दाहाल ‘प्रचण्ड’को पुच्छर भएको आरोप लगाएका छन् ।
मदन भण्डारी स्मृति दिवसका अवसरमा सार्वजनिक भाषण गर्दै ओलीले नेता नेपाललाई प्रचण्डको पुच्छर भएको आरोप लगाएका हुन् ।
‘माधव नेपाल प्रचण्डको पुच्छर हुन्, जनावर एकतर्फ फर्कियो भने पुच्छर अर्कोतर्फ फर्किन्छ । जनावर जता जान्छ पुच्छर त्यतै पछि लाग्छ,’ ओलीले भने ।
उनले नेता नेपालले आफूलाई प्रधानमन्त्रीको प्रस्ताव आएको छ भन्दै धाक लगाएको टिप्पणी गरे ।
‘मलाई बौलाहा कुकुरले टोकेको छ र ? नेपालमा कोही नभेटाएर त्यस्तो मान्छेलाई ओलीले प्रस्ताव राख्छ ? कहिले अध्यक्षको प्रस्ताव राखेको छ भन्छ, कहिले प्रधानमन्त्रीको प्रस्ताव राखेको छ भन्छ ।’
उनले नेता नेपाल कांग्रेसमा प्रवेश गर्नसक्ने सम्भावनासमेत रहेको बताए ।
