काठमाडौँ । प्रतिनिधिसभा विघटनविरुद्ध परेको रिटमा आज सोमबारको सुनुवाइ सकिएको छ । सरकार पक्षका महान्यायाधिवक्ता रमेश बडालले ३ घण्टा २० मिनेट बहस गरेका छन् ।
भोलि मंगलबार नायव महान्यायाधीवक्ता पदम प्रसाद पाण्डेयले बहस गर्ने भएका छन् ।
आज संवैधानिक इजलासमा जारी बहसमा सरकारका तर्फबाट बहस गरेका महान्यायाधिवक्ता रमेश बडालले रिट निवेदकले एफएम सुनेको भरमा बहस गर्न आएको आरोप लगाएका छन् ।
उनले अदालतमा आउँदा संविधान हेरेर आउनुपर्ने बताएका छन् । उनले धारा ७६ (३) बमोमिजको मौजुदा सरकारलाई मात्र जसपाले समर्थन नगरेको दाबी गरेका गरे ।
त्यस्तै उनले धारा ७६ (५) मा दलीय निर्देश हिप लाग्ने दावी गरेका छन् ।
त्यस्तै उनले उपधारा (५) अनुसार प्रधानमन्त्रीमा केपी ओलीको दाबी जायज भएको उल्लेख गरेका थिए ।
प्रतिक्रिया दिनुहोस्
