काठमाडौँ– काठमाडौँ उपत्यकामा सोमबार थप ५१४ जनामा संक्रमण पुष्टि भएको छ।
जसमध्ये काठमाडौँका ३५५, ललितपुरका ११२ तथा भक्तपुरका ४७ जनामा संक्रमण पुष्टि भएको हो।
बितेको २४ घण्टामा नेपालमा थप २ हजार ४४४ जनामा कोरोना संक्रमण पुष्टि भएको छ । योसँगै नेपालमा कोरोना भाइरस संक्रमितको कुल संख्या ६ लाख ६८ हजार २२१ पुगेको छ ।
पछिल्लो २४ घण्टामा देशभर ३ हजार ८५३ जना संक्रमणमुक्त भएका छन् । योसँगै नेपालमा कोरोना संक्रमणमुक्त हुनेहरुको संख्या ५ लाख ८८ हजार १८७ पुगेको छ ।
सोही अवधिमा नेपालमा थप ४२ संक्रमितको मृत्यु भएको छ । हालसम्म नेपालमा कोरोना संक्रमणबाट मृत्यु हुनेको संख्या ९ हजार ५१ पुगेको छ ।
प्रतिक्रिया दिनुहोस्
