काठमाडौं- प्रतिनिधिसभा विघटन मुद्दामा सोमबारको सुनुवाई सकिएको छ । सोमबार महान्यायाधिवक्ता रमेश बडालले ३ घण्टा २० मिनेट बहस गरेका छन् । मंगलबार नायव महान्यायाधीवक्ता पदमप्रसाद पाण्डेयले बहस गर्नेछन् । पाण्डेयका लागि २ घण्टा समय छुट्याइएको छ ।
बडालले धारा ७६ (५) मा दलीय निर्देश हिप लाग्ने दाबी गरे । कांग्रेस सभापति शेरबहादुर देउवाले सांसद गणेश पहाडी र सरला यादवसमेतको हस्ताक्षर दुरुपयोग गरेको जिकिर गरेका छन् ।
बडालले उपधारा ५ अनुसार स्वतन्त्र रुपमा निर्वाचित भएका सांसदहरु पनि सरकार बनाउने दावी लिएर जान सक्ने व्याख्या गरेका छन् । ‘दलका सदस्य भए दलको पत्र चाहिन्छ दलको सदस्य नभए स्वतन्त्र रुपमा जान सक्छन् भनेको हो’ इजलासमा उनले भने, ‘दल चाहिँ चाहिन्छ, यो संविधानले निर्दललाई स्थान नै दिएको छैन ।’
प्रतिक्रिया दिनुहोस्
