माओवादी केन्द्रले कारवाही गरेका २ जनप्रतिनिधिलाई सर्वोच्च अदालतले कामकाज गरिरहन अन्तरिम आदेश दिएको छ ।
एमालेमा लागेको भन्दै रौतहटको मौलापुर नगरपालिकाकी मेयर रीनाकुमारी साह र कटहरिया नगरपालिकाका मेयर सियाराम कुशवाहलाई माओवादी केन्द्रले कारवाही गरेको थियो ।
आफूमाथि गरिएको कारवाहीविरुद्ध उनीहरूले दायर गरेको रिट निवेदनउपर सुनुवाइ गर्दै अदालतले दल त्याग गरेको नदेखिएकाले कामकाज गरिरहन अन्तरिम आदेश दिएको हो ।
न्यायाधीश कुमार चुडालको एकल इजलासले अन्तरिम आदेश जारी गरेपछि उनीहरूले आफ्नो काम गर्न पाउने भएका छन् ।
प्रतिक्रिया दिनुहोस्
