दोस्रो लहरको कोरोना कारण लगाइएको निषेधाज्ञा केही खुकुलो भएलगत्तै बाँकी रहेका फिल्मका कामहरु सुचारु हुन थालेका छन् ।
केहि रोकिएका फिल्मका छायाँकनहरु सुरु हुन थालेका छन् भने फिल्मको पोष्ट प्रोडक्सनका काम पनि सुरु भएको छ ।
यतिखेर फिल्म तिम्रो मेरो साथ को डबिङको काम थालिएको छ । फिल्मका मुख्य कलाकारद्वय पुष्प खड्का र साम्राज्ञी राज्यलक्ष्मी शाहले डबिङको काम थालेका छन् ।
काठमाडौंमा रहेको रेड स्टुडियोमा उनीहरूले डबिङ गरिरहेका छन् । मेकरले गत चैत अन्तिमलाई नै फिल्म रिलिज गर्ने टार्गेट बनाएका थिए, तर कोरोना कारण फिल्म रिलिज हुन पाएन ।
रमेश एम के पौडेलको निर्माण तथा निर्देशनमा तयार भएको फिल्मलाई सविर श्रेष्ठले लेखेका हुन् । श्रेष्ठ फिल्मका कार्यकारी निर्मातासमेत रहेका छन् । त्यस्तै फिल्मलाई शिव ढकालले खिचेका हुन् । यस फिल्मलाई नेपालभन्दा पहिला अमेरिका, अस्ट्रेलियालगायतका देशहरूमा रिलिज गर्ने निर्माण पक्षको लक्ष्य रहेको छ ।
नेपालमा भने दसैँ र तिहारको बीचमा रिलिज गर्ने निर्माण पक्षले जानकारी दिएको छ ।
