पछिल्लो समय लगातार घटिरहेको सेयर बजार परिसूचक कारोबारको अन्तिम दिन आज बिहीबार सामान्य अंकले बढेको छ ।
आज नेप्से १९ दशमलव १२ अङ्कले बढेर दुई हजार आठ सय ४३ विन्दुमा पुगेको हो । आज नेप्से परिसूचकसँगै सेन्सेटिभ इन्डेक्स पनि १ दशमलव २१ प्रतिशत अर्थात् ६ दशमलव ३३ अंकले बढेर ५२८ दशमलव ७१ विन्दुमा पुगेको छ ।
आज दुई सय २४ कम्पनीका तीन करोड २८ लाख कित्ता शेयर ६ अर्ब ७० करोड रुपैयाँमा काराेबार भएका छन् ।
बिहीबार गुडवील फाइनान्सको ९ दशमलव ३३ प्रतिशत, ग्रीन डेभलपमेण्टको ९ दशमलव ३२ प्रतिशत र सिन्धु विकास बैंकको शेयर मूल्य ९ दशमलव १४ प्रतिशतले बढेको छ ।
प्रतिक्रिया दिनुहोस्
