भारतको उत्तर प्रदेशको हापुडमा १५ हजार नतिरेको भन्दै एक अस्पतालले कोरोनाका कारण मृत्यु भएको शव अढाई महिनासम्म परिवारलाई हस्तान्तरण गरेन ।
भारतीय सञ्चारमाध्यमहरूका अनुसार अढाई महिना पश्चात गत बिहीवार शवको अन्तिम दाहसंस्कार गरिएको हो ।
मृतक युवकमा गत अप्रिलमा कोभिड पोजिटिभ पाइएको थियो । उपचारका लागि मेरठ पठाइएको संक्रमितको उपचारका क्रममा मृत्यु भएको हो ।
मृतककी पत्नी शव लिन जाँदा अस्पतालले १५ हजार माग्यो । उनले १५ हजारको व्यवस्थापन गर्न सकिनन् ।
उनले सोचिन, कोरोना पोजिटिभको शव अस्पतालले नै व्यवस्था गर्नेछ ।
त्यसपछि आफ्नो बालबच्चा बोकेर उनी गाउँ गइन् ।
जब अढाई महिनासम्म शव लिन कोही आएन तब मेरठ अस्पतालले शवलाई हापुड स्वास्थ्य विभागलाई हस्तान्तरण गरिदियो । त्यसपछि विभागले परिवारको सदस्यलाई खोज्न थाल्यो ।
त्यसपछि विभागले मृतककी पत्नीलाई बोलाएर शव हस्तान्तरण गरेको थियो ।