प्रधानमन्त्रीसमेत रहेका एमालेका अध्यक्ष केपी शर्मा ओलीले आफ्नै पार्टीका असन्तुष्ट समूहका नेताहरूसँग वार्ता गरिरहेका छन् ।
बालुवाटारमा बोलाइएको केन्द्रीय कमिटी बैठक अघि ओली र नेपाल समूहका नेताहरूबीच भेट भएको हो ।
बैठक रोक्न माग गर्दै नेपालनिकट सुरेन्द्र पाण्डे, गोकर्ण बिष्ट र भीम आचार्य बालुवाटार पुगेका थिए ।
उनीहरूसँग कुराकानी भएकैले ११ बजे बोलाइएको बैठक शुरू हुन सकेको छैन ।