प्रधानमन्त्रीनिवास बालुवाटारमा नेकपा एमालेको केन्द्रीय कमिटी बैठक शुरू भएको छ । ११ बजे बोलाइएको बैठक साढे १२ बजेबाट शुरू भएको हो ।
बैठकमा उपाध्यक्ष वामदेव गौतम सहभागी छन् भने माधवकुमार नेपाल समूहका नेताहरू अनुपस्थित छन् ।
पूर्व माओवादीका नेताहरू भने उपस्थित छन् ।
बैठकअघि नेपाल समूहका केही नेताहरूले प्रधानमन्त्रीसमेत रहेका अध्यक्ष केपी शर्मा ओलीसँग छलफल गरेका थिए ।
बैठक रोक्नुपर्ने माग राख्दै गएका नेपाल समूहका नेताहरूलाई ओलीले बैठक रोक्न नसकिने जवाफ दिएपछि उनीहरू फर्के ।
त्यसपछि बैठक बस्न शुरू गरेको हो ।
गत फागुन २८ गते ओली पक्षले केन्द्रीय कमिटी भंग गरेर दशौँ महाधिवेशन आयोजक कमिटी गठन गरेका थिए ।
सर्वोच्च अदालतले आयोजक कमिटीको वैधतामाथि प्रश्न उठाएपछि बुधवार पुनः केन्द्रीय कमिटी ब्युँताइएको थियो ।
सोही केन्द्रीय कमिटीको बैठक आज बालुवाटारमा शुरू भएको हो ।
