बालुवाटारमा जारी एमालेको केन्द्रीय कमिटी बैठकमा प्रधानमन्त्रीसमेत रहेका एमालेका अध्यक्ष केपी शर्मा ओली पार्टीका वरिष्ठ नेता माधवकुमार नेपालमाथि खनिएका छन् ।
बैठकमा सहभागी एक केन्द्रीय सदस्यले ओलीको भनाइ उदृत गर्दै सूत्रन्यूजलाई भने – ‘आफ्नै दलका नेताहरू अर्को दलको नेतालाई प्रधानमन्त्री बनाइपाउँ भनेर राष्ट्रपति कार्यालय पुग्नु आपत्तिजनक छ ।’
उनले पार्टी एकताका लागि आफूहरू अन्तिमसम्म लागिरहने तर कोही छुट्न खोजे छुटिन सक्ने बताएका छन् ।
नेपाल मात्र नभएर उनले अदालतको फैसला पनि चित्तबुझ्दो नभएको भन्दै उछितो काढेका थिए ।
‘अदालतले पछिल्लो समय गरेको फैसला चित्तबुझ्दो छैन । गैर-संवैधानिक र गैरकानूनी छ । हिजो संसद विघटन हुँदा बिस्तार गरिएको मन्त्रिपरिषद मान्य हुने, आज मन्त्रालय खालि गरिदिने ?’ ओलीको प्रश्न थियो ।
प्रतिक्रिया दिनुहोस्
