झापामा रहेको बीएडसी मेडिकल कलेजका संचालक दुर्गा प्रसाईंले कलेजलाई सम्बन्धन दिने या नदिने भन्ने विषयमा ठोस निर्णय गर्न भन्दै पत्र लेखेका छन् ।
शनिबार काठमाडौँमा पत्रकार सम्मेलन गर्दै उनले प्रधानमन्त्रीलाई पत्र लेखेका हुन् ।
‘चिकित्सा शिक्षा आयोगका उपाध्यक्ष श्रीकृष्ण गिरीले विद्यार्थीहरू बाहिर पठाउने कमिसनखोर दलालहरूसँगको साँठगाँठ तथा मिलेमतोमा नेपालको मेडिकल शिक्षा तथा विश्वविद्यालय ध्वस्त र तहसनहस पारिरहनु भएको छ,’ प्रधानमन्त्री ओलीलाई प्रसाईंले लेखेको पत्रमा उल्लेख छ।