काठमाडौं । राष्ट्रिय प्रजातन्त्र पार्टी (राप्रपा) ले महाधिवेशनको मिति घोषणा गरेको छ । शनिबार बसेको केन्द्रीय निर्देशन समितिको बैठकले यही २७ कात्तिकदेखि ३० कात्तिकसम्म काठमाडौंमा महाधिवेशन गर्ने घोषणा गरेको हो ।
महाधिवेशनका लागि वडा, गाउँ, नगर र प्रदेशसभा निर्वाचन क्षेत्र, प्रतिनिधिसभा निर्वाचन क्षेत्र र जिल्ला कार्य समितिको निर्वाचन यही भाद्र मसान्तसम्म सम्पन्न गर्ने पनि शनिबारको बैठकले निर्णय गरेको छ । बैठकमा सक्रिय सदस्यता वितरण भाद्र मसान्तसम्म सक्ने निर्णय भएको छ ।
यसैगरी सक्रिय सदस्यको अन्तिम सूची तयार गरी केन्द्रीय निर्वाचन समितिलाई ७ असोजसम्म उपलब्ध गराउने, महाधिवेशन प्रतिनिधिको निर्वाचन २० असोजसम्म गरिसक्ने तय भएको छ ।
कोरोना संक्रमणको कारण देखाउँदै यसअघि महाधिवेशन मिति स्थगित गर्दै आएकोमा राप्रपाले शनिबार नयाँ मिति घोषणा गरेको हो ।
प्रतिक्रिया दिनुहोस्
