धनुषामा मोटरसाइकल दुर्घटना हुँदा एकजनाको मृत्यु भएको छ ।
मृत्यु हुनेमा बटेश्वर गाउँपालिका वडा नम्बर २ बस्ने २२ वर्षीय अर्जुन आले रहेका छन् ।
मादक पदार्थ सेवन गरेर चलाएको बा ५२ प ४२८३ नम्बरको मोटरसाइकल रमौली टोल र पाटो टोलको बीचमा अनियन्त्रित भएर दुर्घटना भएको प्रहरीले जनाएको छ ।
दुर्घटनामा परेर घाइते भएका अर्जुनको उपचारको क्रममा प्रादेशिक अस्पताल जनकपुरधाममा मृत्यु भएको बताइएको छ ।
उनले मादक पदार्थ सेवन गरेर मोटरसाइकलमा यात्रा गर्दा दुर्घटना भएको प्रहरीको अनुसन्धानबाट खुलेको छ ।