एकताका लागि एमालेले गत जेठ २ गते गठन गरेको कार्यदलको औपचारिक बैठक सकिएको छ ।
सोमवार साँझ ६ बजेदेखि सिंहदरबारमा बसेको कार्यदल बैठक २ घण्टा बसेर सकिएको हो ।
मंगलवार दिउँसो एक बजे बस्ने गरी बैठक स्थगित भएको कार्यदलका एक सदस्यले सूत्रन्यूजलाई जानकारी दिए ।
आज बसेको बैठकमा आजसम्म भएका एकताका प्रयासहरूबारे छलफल गरिएको हो ।
‘वार्ता सकारात्मक छ, यसलाई हामीले निरन्तरता दिन्छौं,’ कार्यदलका ती सदस्यले भने ।
पार्टीभित्र विग्रह बढेपछि गत जेठ २ गते प्रधानमन्त्रीसमेत रहेका अध्यक्ष केपी शर्मा ओलीको पक्षबाट ५ र वरिष्ठ नेता माधवकुमार नेपालको पक्षबाट ५ जना राखेर कार्यदल गठन गरिएको थियो ।
पार्टीलाई २०७५ जेठ २ गते फर्काएर संचालन गर्ने कार्यविधि तयार गर्ने म्यान्डेटका साथ कार्यदलको गठन गरिएको थियो ।